telegraph.co.uk
Գիտե՞ք, արդյոք, որ դեղձը, սալորը և տանձն արտադրում են այնպիսի գազեր, որոնց արդյունքում բանջարեղենը փտում է: Իսկ գիտե՞ք, որ հավկիթը կարող է հոտեր կլանել:
Եթե ձեր սննդամթերքը չի դիմանում այնքան ժամանակ, որքան հարկավոր է, ապա պատճառը կարող է լիներ մթերքների ոչ ճիշտ դասավորվածությունը սառնարանում:
Սննդամթերքի սխալ պահպանումը կարող է բացասաբար անդրադառնալ վերջինիս համային, հոտային և առողջարարության որակների վրա, ինչի արդյունքում դուք դրանք ավելի շուտ դեն կնետեք, քան կցանկանայիք: Հետևյալ խորհուրդները կօգնեն ձեզ ճիշտ դասավորել սնունդը սառնարանում և ապահովել վերջինիս երկարատև թարմությունը:
Պահեք սառնարանը սառը վիճակում
Սառնարանում մանրէների առաջացումից խուսափելու համար այնտեղ ապահովեք 0 -40C ջերմաստիճան:
Սառնարանի վերևի դարակներն ունեն ամենակայուն ջերմաստիճանը: Հետևաբար, այդ հատվածում տեղադրեք այնպիսի սննդամթերք,
որը պատրաստման կարիք չունի: Կիսաֆաբրիկատները, ճաշի մնացորդները, ըմպելիքները, կանաչեղենը և պատրաստի ճաշատեսակները կարող եք պահել սառնարանի վերևի դարակներում:
Սառնարանի վերևի հատված
Եթե հնարավոր է, սառնարանի վերևի
մասը պահեք մաքուր: Սառնարանը սառը պահելու համար ողջ տաք օդն արտամղվում է վերևի հատվածը: Այդպիսով, եթե բորբոսնած հացի սիրահար չեք, խուսափեք սառնարանի վրա սննդամթերք տեղադրելուց: Եթե տարածքի խնդիր ունեք, ապա սառնարանի գլխավերևում կարող եք տեղադրել խոհանոցային պարագաներ:
Դռներ
Դռները սառնարանի ամենաբարձր ջերմաստիճանն ունեցող հատված են: Այնպես որ այդտեղ պահեք այնպիսի սննդամթերք, որը պարունակում է բնական պահպանիչներ՝ վերջիններս արագ փչանալուց պահպանելու համար : Մայոնեզը կամ նարնջի հյութը լավագույնս կարող են տեղադրվել դռների հատվածում, ի տարբերություն, օրինակ՝ հավկիթի կամ կաթնամթերքի:
Ներքի հատվածում գտնվող առանձնացված դարակներ
Բանջարեղենը և մրգերը պահեք առանձին դարակներում: Բազմաթիվ մրգեր, այդ թվում դեղձը, սալորը և տանձն արտադրում են այնպիսի գազեր, որոնց արդյունքում բանջարեղենը փտում է: 
Սառցախցիկ
Սառցախցիկը նախատեսված չէ միայն սառեցված մթերքի պահպանման համար: Կարող եք այն օգտագործել այնպիսի մթերքներ պահպանելու
համար, որոնք հետագայում օգտագործելու եք (օրինակ լոշիկներ, պաստայի սոուս, անգամ հակվիթ): Մթերքը պահեք փակ պլաստիկ տարաների մեջ:
Սառնարանում պահելու համար ոչ ցանկալի մթերքներ
Հավկիթ
Հավկիթն ունի ծակոտիներ, որոնք արագ կլանում են շրջապատի հոտերը; Այնպես որ, եթե ձեր սառնարանում ուժեղ հոտով որևէ մթերք է տեղադրված, ապա ցանկալի է հավկիթը չպահել սառնարանում:
Շամպայն
Վերջերս կատարված
հետազոտությունը ցույց տվեց, որ շամպայնը սառնարանում պահելը կարող է երկարացնել նրա
«կյանքը»` գրեթե ամբողջությամբ կանխելով թթվելը:
Ընկուզեղենը և ձիթայուղը
Ընկուզեղենը և ձիթայուղը կարող են պահվել սառնարանում՝ վերջիններիս թարմությունը և որակը առավելագույնս պահպանելու համար
Երբեք մի սառեցրեք հետևյալ մթերքը.
Հաց
Տարածված սխալ է հացը պահել սառնարանում, քանի որ այնտեղ վերջինս չորանում է: Այդուհանդերձ, հացը մինչև երեք ամիս կարող եք պահել սառցախցիկում:
Լոլիկ
Լոլիկը հիանալիորեն կարող է պահվել սենյակային ջերմաստիճանի պայմաններում, իսկ սառնարանում այն դառնում է անհամ և անհոտ:
Սոխ, դդում և կարտոֆիլ
Սոխը, դդումը և կարտոֆիլը պետք է պահել մութ և չոր դարակում:
Ընդհանուր խորհուրդներ
Բավականին գայթակղիչ է խանութից գնված ցանկացած սննդամթերք
սառնարանում արագ տեղադրելու ցանկությունը: Փորձեք այդպես չանել: Սառը օդի հոսքը սառնարանում չպետք է խախտվի: Հակառակ դեպքում ներթափանցած տաք օդային զանգվածների ներքո ձեր սառնարանի ճիշտ դասավորվածությունն անիմաստ կլինի:
Կիսատ օգտագործված մետաղական պահածոյի տարան երբեք մի դրեք հետ սառնարան: Սննդամթերքը կարող է փոխազդեցության մեջ մտնել մետաղի հետ և արագ փչանալ:
Ամիսը մեկ անգամ սառնարանը մաքրելը կօգնի ձեզ պաշտպանվել մանրէների և անցանկալի հոտերի առաջացումից:
No comments:
Post a Comment