Ոչ շատ հեռու ապագայում դուք կկարողանաք Ձեր եռաչափ տպիչով տպագրված բնակարանում համտեսել եռաչափ տպիչով ստեղծված թխվածք:
Ինչպես հաղորդում է CNet-ը, չինական ընկերությունը շահագործման է հանձնել առաջին հինգհարկանի շենքը և երեքհարկանի առանձնատունը, որոնք տպվել են եռաչափ տպիչով:
WinSun շինարարական ընկերությունը շենքը ներկայացրել է Suzhou արդյունաբերական հարթակում: Համաձայն CNet ընկերության՝ առանձնատունն արժեցել է 161000 դոլար: Այս մեթոդով շինարարության վրա ծախսվող ժամանակը կրճատվել է 50-ից 70 տոկոսով, իսկ շինարարական աղբը՝ 30-ից 60 տոկոսով:
Ի դեպ, սա ընկերության առաջին եռաչափ նախագիծը չէ: 2014 թվականի ապրիլին ընկերությունը նույն մեթոդով 24 ժամից էլ պակաս ժամանակահատվածում կառուցել էր 10 առանձնատուն:
No comments:
Post a Comment