Բեռնաթափման օրերի 5 համեղ տարբերակներ

Ձմռան վերջին ամսին անմիջապես հետևում է գարունը: Դա նշանակում է, որ մարդկանց օրգանիզմը վերջապես կդադարի գործել «ավելի շատ սննդարար նյութերի մթերման» ռեժիմով:  Պետք է նշել մեկ բան ևս, որ շուտով ամառ է: Հետևեք մեր կողմից առանձնացված բեռնաթափման օրերի տարբերակներին, որպեսզի գալիք տաք սեզոնի միակ հոգսը լինի լողազգեստի մոդելի, և ոչ թե չափսի ընտրությունը: Ի դեպ, փորձված է, որ դրանք ոչ միայն օգտակար են, այլ նաև համեղ:

Բեռնաթափման օրերը դրանք խիստ քաղցի մատնվելու և կամ միայն ջուր օգտագործելու օրեր չեն: Հիմա դուք կարող եք ընտրություն կատարել զանազան տարբերակների միջև՝ կախված ձեր ճաշակից: Բեռնաթափումը իրականացվում է շաբաթական մեկ անգամ: Կան տարբերակներ նաև քաղցրակերների և մսակերների համար: Դա օրգանիզմի բեռնաթափում է, որի ժամանակ դուք կարող եք ոչ միայն քաշ կորցնել, այլ նաև պարզապես բարելավել ձեր ինքնազգացողությունը:

Բեռնաթափման օր բանանով

Բոլորը գիտեն բանանի առողջարար հատկությունների մասին: Մարզիկները անվանում են բանանը «բնական էներգիայի աղբյուր» և ուտում են մկանային հյուսվածքները վերականգնելու համար: Արտաքին տեսքին հետևողները հաստատում են, որ բանանը բարերար ազդեցություն ունի մաշկի վրա: Բժիշկները խորհուրդ են տալիս ուտել միրգը քնելուց առաջ՝ անքնության դեմ պայքարում հաղթանակ տանելու համար: Դիետոլոգները նկատում են, որ շաբաթական մեկ օր բանանով բեռնաթափումը նպաստում է նիհարելուն: Բանը նրանում է, որ բանանի մեջ պարունակվող մրգաշաքարը ոչնչացնում է քաղցրի հանդեպ ցանկությունը:

Չնայած ցածր կալորիականությանը, բանանը նպաստում է արագ հագեցմանը: Մտապահեք այս փաստը և նախաճաշեք աշխատավայրում այս մրգով, այլ ոչ թե փոքր կեքսերով:

Կան բանանով բեռնաթափման տարբեր տարբերակներ: Կարող եք զուգակցել բանանը ջրով (նախաճաշին, ճաշին, ընթրիքին կերեք բանան և խմեք մեկ բաժակ ջուր), կաթով (հարեք կաթը և բանանը հարիչով) կամ կաթնաշոռով:

Բեռնաթափման օր շոկոլադով

Շոկոլադով բեռնաթափման օրը դուր կգա ոչ միայն քաղցրակերներին, այլ նաև նրանց, ովքեր տառապում են արյան բարձր ճնշմամբ: Շաքարախտով հիվանդները պետք է խուսափեն: Հասկանալի է, որ ցանկացած շոկոլադ չի համապատասխանի: Կաթնային և սպիտակ շոկոլադե սալիկները մի կողմ թողեք: Ընտրեք դառը շոկոլադ, որը պարունակի ոչ պակաս, քան 80% կակաո:

Բեռնաթափման օրը կարելի է կազմակերպել 2 եղանակով: Կարող եք ուտել 10 գրամ շոկոլադ նախքան յուրաքանչյուր անգամ սնունդ ընդունելը, կամ կարող եք վերցնել 80 գրամ շոկոլադ և բաժանել դրա սպառումը ամբողջ օրվա վրա: Միաժամանակ հատուկ ուշադրություն հրավիրեք ջրի վրա: Անհրաժեշտ է խմել 1.5, նույնիսկ 2 լիտր ջուր (ջուր կարելի է խմել միայն շոկոլադի չափաբաժինը ընդունելուց 3 ժամ անց):

Բեռնաթափման օր հավի կրծքամսով

Եթե դուք չեք կարող առանց մսի, ապա ձեզ կհամապատասխանի այս տարբերակը: 700 գրամ խաշած հավի կրծքամիսը բաժանեք հավասար մասերի, յուրաքանչյուր 3 ժամը մեկ անգամ սննդի 6անգամյա ընդունման համար: Խմեք շատ ջուր և փորձեք չօգտագործել նույնիսկ բանջարեղեն: Այս բեռնաթափման օրվա էությունը մեծ թվով սպիտակուցների օգտագործումն է, որը արագացնում է նյութափոխանակությունը և նպաստում ճարպը ճեղքող ֆերմենտների արտադրմանը: Ի դեպ, եթե ավելացնեք ֆիզիկական ակտիվությունը (միացրեք վիդեո դասընթացներ մոդելների հետ Victoria's Secret կամ գնացեք մարզասրահ), ապա կկարողանաք մեկ օրվա ընթացքում կորցնել ավելի քան 1 կգ:

Բեռնաթափման օր մրգային կոկտեյլով

Այս բեռնաթափման օրվա էությունը մեծ թվով սպիտակուցների օգտագործումն է: Հարիչի մեջ ավելացրեք 500 գրամ կաթնաշոռ (կարելի է և ավելի շատ), 0.5 լիտր կեֆիր և ոչ քաղցր մրգեր: Խուսափեք օգտագործել բանան, խաղող և թուզ: Կոկտեյլի մեծ մասը պետք է բաղկացած լինի կաթնաշոռից և կեֆիրից, որի արդյունքում դուք կստանաք սպիտակուցի մեծ չափաբաժին, որը դրական ազդեցություն կունենա նյութափոխանակության վրա: Ի դեպ, նրանք, ովքեր ավելի շատ սիրում են բաջարեղեն, նրանց համար էլ կա տարբերակ: Խառնեք կեֆիրը, կաթնաշոռը, վարունգը և կանաչին (կհամապատասխանի ցանկացածը՝ սպանախ, հազարի տերևներ, մաղադանոս և այլն):

Բեռբաթափման օր խնձորով

Ամենաօգտակարը համարվում է կանաչ խնձորը, բայց զգույշ եղեք, եթե ունեք գաստրիտ կամ ստամքոսի խոց: Օրվա ընթացքում կերեք խնձոր կաթնաշոռով (անհրաժեշտ կլինի ուտել մոտավորապես 1 կգ) կամ խմեք հանքային ջուր խնձոր ուտելուց կես ժամ առաջ: Խնձորը կարելի է համադրել կեֆիրի, մեղրի հետ կամ կարելի է դրանք ուտել որպես առանձին սննդամթերքներ՝ նույնիսկ չօգտագործելով ջուր: Այսպիսով դուք կօգնեք ձեր օրգանիզմին ազատվել հեղուկի ավելցուկից:

Cosmopolitan

 


http://mediamonitor.am/%d5%a2%d5%a5%d5%bc%d5%b6%d5%a1%d5%a9%d5%a1%d6%83%d5%b4%d5%a1%d5%b6-%d6%85%d6%80%d5%a5%d6%80%d5%ab-5-%d5%b0%d5%a1%d5%b4%d5%a5%d5%b2-%d5%bf%d5%a1%d6%80%d5%a2%d5%a5%d6%80%d5%a1%d5%af%d5%b6%d5%a5%d6%80/